# sivastotravali sivst-p01 (stotra 1-4)

sivastotravali sivst-p01 (stotra 1-4) links incomplete (7 gaps named); no formal theorems bound. Chunk gate UNKNOWN; no witness verified.

> Machine rendering — UNREVIEWED, not an approved translation. No English here was human-reviewed.

Canonical: https://svatantrya.net/claim/sivastotravali/sivst-p01/

## Passage (excerpt as hashed)

```
[Stotra 1]
### Provenance: GRETIL (Bailly ed.) · CC BY-NC-SA 4.0 ### Source file: 4_rellit/saiva/sa_utpaladeva-zivastotrAvali.txt ### Vendored: site/data/sanskrit/sivastotravali-u.txt (research/education use; respect licence) bhaktivilāsākhyaṃ prathamaṃ stotram oṃ na dhyāyato na japataḥ syād yasyāvidhipūrvakam & evam eva śivabhāsas taṃ numo bhaktiśālinam ātmā mama bhavadbhaktisudhāpānayuvāpi san & lokayātrārajorāgāt palitair iva dhūsaraḥ labdhatatsaṃpadāṃ bhaktimatāṃ tvatpuravāsinām & saṃcāro lokamārge 'pi syāt tayaiva vijṛmbhayā sākṣādbhavanmaye nātha sarvasmin bhuvanāntare & kiṃ na bhaktimatāṃ kṣetram mantraḥ kvaiṣām na siddhyati jayanti bhaktipīyūṣarasāsavavaronmadāḥ & advitīyā api sadā tvaddvitīyā api prabho anantānandasindhos te nātha tattvaṃ vidanti te & tādṛśa eva ye sāndrabhaktyānandarasāplutāḥ tvam evātmeśa sarvasya sarvaś cātmani rāgavān & iti svabhāvasiddhāṃs tvadbhaktiṃ jānañ jayej janaḥ nātha vedyakṣaye kena na dṛśyo 'syekakaḥ sthitaḥ & vedyavedakasaṃkṣobhe 'py asi bhaktaiḥ sudarśanaḥ anantānandasarasī devī priyatamā yathā & aviyuktāsti te tadvad ekā tvadbhaktir astu me sarva eva bhavallābhahetur bhaktimatāṃ vibho & saṃvinmārgo 'yam āhlādaduḥkhamohais tridhā sthitaḥ bhavadbhaktyamṛtāsvādād bodhasya syāt parāpi yā & daśā sā māṃ prati svāmin nāsavasyeva śuktatā bhavadbhaktimahāvidyā yeṣām abhyāsam āgatā & vidyāvidyobhayasyāpi tā ete tattvavedinaḥ āmulād vāglatā seyaṃ kramavisphāraśālinī & tvadbhaktisudhayā siktā tadrasāḍhyaphalāstu me śivo bhūtvā yajeteti bhakto bhūtveti kathyate & tvam eva hi vapuḥ sāraṃ bhaktair advayaśodhitam bhaktānāṃ bhavadadvaitasiddhyai kā nopapattayaḥ & tadasiddhyai nikṛṣṭānāṃ kāni nāvaraṇāni vā kadācit kvāpi labhyo 'si yogenetīśa vañcanā & anyathā sarvakakṣyāsu bhāsi bhaktimatāṃ katham pratyāhārādyasaṃspṛṣṭo viśeṣo 'sti mahānayam & yogibhyo bhaktibhājām yad vyutthāne 'pi samāhitāḥ na yogo na tapo nārcākramaḥ ko 'pi pranīyate & amāye śivamārge 'smin bhaktir ekā praśasyate sarvato vilasadbhaktitejodhvastāvṛter mama & pratyakṣasarvabhāvasya cintānām api naśyatu śiva ity ekaśabdasya jihvāgre tiṣṭhataḥ sadā & samastaviṣayāsvādo bhakteṣv evāsti ko 'py aho śāntakallolaśītācchasvādubhaktisudhāmbudhau & alaukikarasāsvāde susthaiḥ ko 'nāma gaṇyate sādṛśaiḥ kiṃ na carvyeta bhavadbhaktimahauṣadhiḥ & tādṛśī bhagavan yasyā mokṣākhyo 'nantaro rasaḥ tā eva paramarthyante sampadaḥ sadbhir īśa yāḥ & tvad bhaktirasasambhogavisrambhaparipoṣikāḥ bhavadbhaktisudhāsāras taiḥ kim apy upalakṣitaḥ & ye na rāgādi paṅke 'smiṃḷ lipyante patitā api aṇimādiṣu mokṣānteṣv aṅgeṣv eva phalābhidhā & bhavadbhakter vipakvāyā latāyā iva keṣu cit citraṃ nisargato nātha duḥkhabījam idaṃ manaḥ & tvadbhaktirasasaṃsiktam niḥśreyasamahāphalam

[Stotra 2]
sarvātmaparibhāvanākhyaṃ dvitīyaṃ stotram agnīṣomaravibrahmaviṣṇusthāvarajaṅgama & svarūpa bahurūpāya namaḥ saṃvinmayāya te viśvendhanamahākṣārānulepaśucivarcase & mahānalāya bhavate viśvaikahaviṣe namaḥ paramāmṛtasāndrāya śītalāya śivāgnaye & kasmai cid viśvasaṃploṣaviṣamāya namo 'stu te mahādevāya rudrāya śaṅkarāya śivāya te & maheśvarāyāpi namaḥ kasmai cin mantramūrtaye namo nikṛttaniḥśoṣatrailokyavigaladvasā- & vasekaviṣamāyāpi maṅgalāya śivāgnaye samastalakṣanāyoga eva yasyopalakṣaṇam & tasmai namo 'stu devāya kasmai cid api śambhave vedāgamaviruddhāya vedāgamavidhāyine & vedāgamasatattvāya guhyāya svāmine namaḥ saṃsāraikanimittāya saṃsāraikavirodhine & namaḥ samsārarūpāya niḥsaṃsārāya śambhave mūlāya madhyāyāgrāya mūlamadhyāgramūrtaye & kṣīnāgramadhyamūlāya namaḥ pūrṇāya śambhave namaḥ sukṛtasaṃbharavipākaḥ sakṛd apy asau & yasya nāmagrahas tasmai durlabhāya śivāya te namaścarācarākāraparetanicayaiḥ sadā & krīḍate tubhyam ekasmai cinmayāya kapāline māyāvine viśuddhāya guhyāya prakaṭātmane & sūkṣmāya viśvarūpāya namaś citrāya śambhave brahmendraviṣṇunirvyūḍhajagatsaṃhārakelaye & āścaryakaraṇīyāya namas te sarvaśaktaye taṭeṣv eva paribhrāntaiḥ labdhās tās tā vibhūtayaḥ & yasya tasmai namas tubhyam agādhaharasindhave māyāmayajagatsāndrapaṅkamadhyādhivāsine & alepāya namaḥ śambhuśatapatrāya śobhine maṅgalāya pavitrāya nidhaye bhūṣaṇātmane & priyāya paramārthāya sarvotkṛṣṭāya te namaḥ namaḥ satatabaddhāya nityanirmuktibhāgine & bandhamokṣavihīnāya kasmai ci d api śambhave upahāsaikasāre 'sminn etāvati jagattraye & tubhyam evādvitīyāya namo nityasukhāsine dakṣiṇācārasārāya vāmācārābhilāṣiṇe & sarvācārāya śarvāya nirācārāya te namaḥ yathā tathāpi yaḥ pūjyo yatra tatrāpi yo 'rcitaḥ & yo 'pi vā so 'pi vā yo 'sau devas tasmai namo 'stu te mumukṣujanasevyāya sarvasantāpahāriṇe & namo vitatalāvaṇyavarāya varadāya te sadā nirantarānandarasanirbharitākhila- & trilokāya namas tubhyaṃ svāmine nityaparvaṇe sukhapradhānasaṃvedyasambhogair bhajate ca yat & tvām eva tasmai ghorāya śaktivṛndāya te namaḥ munīnām apy avijñeyaṃ bhaktisambandhaceṣṭitāḥ & āliṅganty api yaṃ tasmai kasmai cid bhavate namaḥ paramāmṛtakośāya paramāmṛtarāśaye & sarvapāramyapāramyaprāpyāya bhavate namaḥ mahāmantramayaṃ naumi rūpaṃ te svacchaśītalam & apūrvamodasubhagaṃ parāmṛtarasolvaṇam svātantryāmṛtapūrṇatvad aikyakhyātimahāpaṭe & citraṃ nāsty eva yatreśa tan naumi tava śāsanam sarvāśaṅkāsaniṃ sarvālakṣmīkālānalaṃ tathā & sarvāmaṅgalyakalpāntaṃ mārgaṃ māheśvaraṃ numaḥ jaya deva namo namo 'stu te sakalaṃ viśvam idaṃ tavāśritam & jagatāṃ parameśvaro bhavān paramekaḥ śaraṇāgato 'smi te

[Stotra 3]
praṇayaprasādākhyaṃ tṛtīyaṃ stotram sadasattvena bhāvānāṃ yuktā yā dvitayī gatiḥ & tām ullaṅghya tṛtīyasmai namaś citrāya śambhave āsurarṣijanād asminn asvatantre jagattraye & svatantrās te svatantrasya ye tavaivānujīvinaḥ aśeṣaviśvakhacitabhavadvapur anusmṛtiḥ & yeṣām bhavarujām ekaṃ bheṣajaṃ te sukhāsinaḥ sitātapatraṃ yasyenduḥ svaprabhāparipūritaḥ & cāmaraṃ svardhunīsrotaḥ sa ekaḥ parameśvaraḥ prakāśāṃ śītalām ekāṃ śuddhāṃ śaśikalām iva & dṛśaṃ vitara me nātha kām apy amṛtavāhinīm tvaccidānandajaladheś cyutāḥ saṃvittivipruṣaḥ & imāḥ kathaṃ me bhagavan nāmṛtāsvādasundarāḥ tvayi rāgarase nātha na magnaṃ hṛdayaṃ prabho & yeṣām ahṛdayā eva te 'vajñaspadam īdṛśāḥ prabhuṇā bhavatā yasya jātaṃ hṛdayamelanam & prābhavīṇāṃ vibhūtīnāṃ paramekaḥ sa bhājanam harṣāṇām atha śokānāṃ sarveṣāṃ plāvakaḥ samam & bhavaddhyānāmṛtāpūro nimnāṇimnabhuvām iva keva na syād dṛśā teṣāṃ sukhasambhāranirbharā & yeṣām ātmādhikeneśa na kvāpi virahas tvayā garjāmi bata nṛtyāmi pūrṇā mama manorathāḥ & svāmī mamaiṣa ghaṭito yat tvam atyantarocanaḥ nānyad vedyaṃ kriyā yatra nānyo yogo vidā ca yat & jñānaṃ syāt kiṃ tu viśvaikapūrṇā cittvaṃ vijṛmbhate durjayānām anantānām duḥkhānāṃ sahasaiva te & hastāt palāyitā yeṣāṃ vāci śaśvacchivadhvaniḥ uttamaḥ puruṣo 'nyo 'sti yuṣmaccheṣaviśeṣitaḥ & tvaṃ mahāpuruṣas tv eko niḥśeṣapuruṣāśrayaḥ jayanti te jagadvandyā dāsās te jagatāṃ vibho & saṃsārārṇava evaiṣa yeṣāṃ krīḍāmahāsaraḥ āsatāṃ tāvad anyāni dainyānīha bhavajjuṣām & tvam eva prakaṭībhūyā ity anenaiva lajjyate matparaṃ nāsti tatrāpi jāpako 'smi tadaikyataḥ & tattvena japa ity akṣamālayā diśasi kvacit sato 'vaśyaṃ paramasat sac ca tasmāt paraṃ prabho & tvaṃ cāsataḥ sataś cānyas tenāsi sadasanmayaḥ sahasrasūryakiraṇādhikaśuddhaprakāśavān & api tvaṃ sarvabhuvanavyāpako 'pi na dṛśyase jaḍe jagati cidrūpaḥ kila vedye 'pi vedakaḥ & vibhur mite ca yenāsi tena sarvottamo bhavān alam ākranditair anyair iyad eva puraḥ prabhoḥ & tīvraṃ viraumi yan nātha muhyāmy evaṃ vidann api

[Stotra 4]
surasodbalākhyāṃ caturthaṃ stotram capalam asi yad api mānasa tatrāpi ślāghyase yato bhajase & śaraṇānām api śaraṇaṃ tribhuvanagurum ambikākāntam ullaṅghya vividhadaivatasopānakramam upeya śivacaraṇān & āśrityāpy adharatarāṃ bhūmiṃ nādyāpi citram ujjhāmi prakaṭaya nijam adhvānaṃ sthagayatarām akhilalokacaritāni & yāvad bhavāmi bhagavaṃs tava sapadi sadodito dāsaḥ śiva śiva śambho śaṅkara śaraṇāgatavatsalāśu kuru karuṇām & tava caraṇakamalayugalasmaraṇaparasya hi sampado 'dūre tāvakāṅghrikamalāsanalīnā ye yathāruci jagad racayanti & te viriñcim adhikāramalenāliptam asvavaśam īśa hasanti tvatprakāśavapuṣo na vibhinnaṃ kiṃ cana prabhavati pratibhātum & tat sadaiva bhagavan parilabdho 'sīśvara prakṛtito 'pi vidūraḥ pādapaṅkajarasaṃ tava ke cid bhedaparyuṣitavṛttim upetāḥ & ke canāpi rasayanti tu sadhyo bhātam akṣatavapur dvayaśūnyam nātha vidyud iva bhāti vibhāte yā kadā cana mamāmṛtadigdhā & sā yadi sthirataraiva bhavet tat pūjito 'si vidhivat kim utānyat sarvam asyaparam asti na kiṃ cid vastv avastu yadi veti mahatyā & prajñāya vyavasito 'tra yathaiva tvaṃ tathaiva bhava suprakaṭo me svecchayaiva bhagavan nijamārge kāritaḥ padam ahaṃ prabhunaiva & tat kathaṃ janavad eva carāmi tvatpadocitam avaimi na kiṃ cit ko 'pi deva hṛdi teṣu tāvako jṛmbhate subhagabhāva uttamaḥ & tvatkathāmbudaninādacātakā yena te 'pi subhagīkṛtāś ciram tvajjuṣāṃ tvayi kayāpi līlayā rāga eṣa paripoṣam āgataḥ & yad viyogabhuvi saṅkathā tathā saṃsmṛtiḥ phalati saṃgamotsavam yo vicitrarasasekavardhitaḥ śaṅkareti śataśo 'py udīritaḥ & śabda āviśati tiryagāśayeṣv apy ayaṃ navanavaprayojanaḥ te jayanti mukhamaṇḍale bhraman asti yeṣu niyataṃ śivadhvaniḥ & yaḥ śāśīva prasṛto 'mṛtāśayāt svādu saṃsravati cāmṛtaṃ param parisamāptam ivogram idaṃ jagad vigalito 'viralo manaso malaḥ & tad api nāsti bhavatpurārgalakavāṭavighaṭṭanam aṇva pi satataphullabhavanmukhapaṅkajodaravilokanalālasacetasaḥ & kim api tat kuru nātha manāg iva sphurasi yena mamābhimukhasthitiḥ tvadavibhedamater aparaṃ nu kiṃ sukham ihāsti vibhūtir athāparā & tad iha tāvakadāsajanasya kiṃ kupatham eti manaḥ parihṛtya tām kṣaṇam apīha na tāvakadāsatāṃ prati bhaveyam ahaṃ kila bhājanam & bhavadabhedarasāsavam ādarād avirataṃ rasayeyam ahaṃ na cet na kila paśyati satyam ayaṃ janas tava vapur dvayadṛṣṭimalīmasaḥ & tad api sarvavidāśritavatsalaḥ kim idam āraṭitaṃ na śṛṇoṣi me smarasi nātha kadācid apīhitaṃ viṣayasaukhyam athāpi mayārthitam & satatam eva bhavadvapurīkṣaṇāmṛtamabhīṣṭamalaṃ mama dehi tat kila yadaiva śivādhvani tāvake kṛtapado 'smi maheśa tavecchayā & śubhaśatānyuditāni tadaiva me kim aparaṃ mṛgaye bhavataḥ prabho yatra so 'stam ayam eti vivasvāṃś candramaḥ prabhṛtibhiḥ saha sarvaiḥ & kāpi sā vijayate śivarātriḥ svaprabhāprasarabhāsvararūpā apy upārjitam ahaṃ triṣu lokeṣv adhipatyam amareśvara manye & nīrasaṃ tad akhilaṃ bhavadaṅghrisparśanāmṛtarasena vihīnam bata nātha dṛḍho 'yam ātmabandho bhavadakhyātimayas tvayaiva kḷptaḥ & yad ayaṃ prathamānam eva me tvām avadhīrya ślathate na leśato 'pi mahatām amareśa pūjyamāno 'py aniśaṃ tiṣṭhasi pūjakaikarūpaḥ & bahirantarapīha dṛśyamānaḥ sphurasi draṣṭṛśarīra eva śaśvat
```

## Reading

Withheld. no verified L2 layer in this pack

## Claims

| Claim | Status | Basis |
|---|---|---|
| Link completeness | FAIL (7 gaps named) | assurance.trace_links_present + gaps |
| Human review | UNREVIEWED (machine rendering; no human sign-off) | assurance.review |
| Deterministic chunk gate | UNKNOWN (none) | proofs.chunk_gate |
| Manuscript witness | UNPINNED (0 verified corpus-wide) | identity.witness |
| Source-span completeness | UNKNOWN | assurance: ledger span is an excerpt; volume not hashed |